Վրացական GHN լրատվական գործակալության փոխանցմամբ՝ Վրաստանում ԱՄՆ դեսպան Ջոն Բասսը լրագրողներին հայտնել է, որ Վրաստանում ԱՄՆ դեսպանատունն ուշադիր հետևում է քաղաքական արենայում վրացի միլիարդատեր Բիձինա Իվանիշվիլիի շուրջ ծավալվող զարգացումներին.
«Բիձինա Իվանիշվիլին համեմատաբար նոր ֆիգուր է քաղաքականությունում։ Մենք ուշադիր հետևում ենք նրա շուրջ ծավալվող զարգացումներին, և եթե դրա կարիքը լինի, ապա այդ հարցեը կքննարկենք Վրաստանի կառավարության հետ։
Կարևոր է, որ վրաց ժողովուրդի համար հասանելի լինի տեղեկատվությունը, և նա փաստերի մասին իրազեկվի անձամբ Բիձինա Իվանիշվիլիից, և ոչ թե ԱՄՆ դեսպանից։ Վրաց ժողովուրդն ինքը պետք է գնահատական տա վերջին երկու շաբաթվա իրադարձություններին, և ինքը վճռի, թե դրանք որքանով են համապատասխանում օրենքին»։
Հիշեցնենք, որ երեկ Իվանիշվիլին հայտարարել էր, որ ինքը և իր թիմը պլանավորել են խորացնել ԱՄՆ-ի ու Եվրոպայի հետ հարաբերությունները։
