Լոնդոնի ամենաթանկ առանձնատներից մեկը, որը 2020 թվականին վաճառվել է ռեկորդային՝ 210 միլիոն ֆունտով, արդեն տարիներ շարունակ դատարկ է մնում։ Մինչ շքեղ առանձնատան ներսում կան մարմարե լոգարաններ ու ճոխ սրահներ, դրա մուտքի մոտ արդեն երեք տարի բնակվում է շվեդ Անդերս Ֆերնշտեդտը՝ պատշգամբում կառուցած ժամանակավոր կացարանում։
Շենքը ժամանակին պատկանել է Լիբանանի նախկին վարչապետ Ռաֆիկ Հարիրիին, ապա անցել է Սաուդյան Արաբիայի թագավորական ընտանիքին և հետագայում վաճառվել չինացի գործարարների հետ կապվող սեփականատերերի։ Evergrande-ի ֆինանսական ճգնաժամից հետո առանձնատունը հայտնվել է իրավական վեճերի կենտրոնում։
Այսօր միլիոնավոր ֆունտեր արժեցող շքեղ առանձնատունը դատարկ է, իսկ դրա մուտքի մոտ ապրող տղամարդու պատմությունը դարձել է Լոնդոնի սոցիալական անհավասարության խորհրդանիշ։
