Այսօր նշվում է հուդայական ամենակարևոր տոներից մեկը` Յոմ Կիպուրը կամ Ահեղ դատաստանի օրը, որը համարվում է պահքի, զղջման և մեղքերի քավության օր: Այն սկսվում է այսօր երեկոյան և կտևի մինչև հոկտեմբերի 8-ի երեկո: Այս 24 ժամերի ընթացքում չի գործի հասարակական և անձնական տրանսպորտը: Ժամը 13:00-ից դադարել է գործել Թել Ավիվի միջազգային օդանավակայանը, իսկ կեսօրից հետո` երկաթուղային կապը:
Անվտանգության ռեժիմը պահպանելու համար իրականացվում է պաղեստինյան տարածքների մեկուսացման գործընթաց, իսկ հատուկ ծառայություններն ու շտապօգնությունը գտնվում են պատրաստ վիճակում: Այս մասին հաղորդում է «Ազատություն» ռադիոկայանը: Անվտանգության այս միջոցառումները պատահական չեն, քանի որ 1973թ.-ին այս օրը արաբական մի շարք երկրներ, օգտվելով Իսրայելի բնակչության՝ տոնական միջոցառումներին մասնակցելու հանգամանքից, հարձակվեցին Իսրայելի վրա, որն էլ ստացել է «Ահեղ դատաստանի օրվա պատերազմ» անվանումը: Այն ավարտվեց 18 օր անց՝ Սիրիայի և Եգիպտոսի պարտությամբ:
