Ընթացիկ տարվա առաջին կիսամյակում Ռուսաստանը մեկ երրորդով կրճատել է արտասահմանյան գինու ներմուծումը:
Այս մասին հայտնում է «ՌԻԱ Նովոստի»-ն՝ հղում անելով ազգային վիճակագրական ծառայություններին:
Նշվում է, որ արտասահմանյան մատակարարները այս տարվա առաջին վեց ամիսներին ռուսական շուկայում վաճառել են 304,5 միլիոն դոլարի գինի՝ նախորդ տարվա նույն ժամանակահատվածի 433,8 միլիոն դոլարի համեմատ։
Ըստ աղբյուրի՝ ռուսական շուկա գինի վաճառող տասը խոշորագույն երկրների շարքում են նաև Լիտվան (6.7 միլիոն դոլար), Իսպանիան (6.4 միլիոն դոլար) և Հայաստանը (4.3 միլիոն դոլար)։
Հաշվարկների համաձայն՝ Իտալիան մնացել է ամենամեծ արտահանողը տարվա առաջին կեսին, չնայած նրա մատակարարումները նվազել են ավելի քան մեկ երրորդով՝ հասնելով 83,3 միլիոն դոլարի։ Վրաստանը մի փոքր հետ է մնացել առաջատարից, ներմուծումը նույնպես նվազել է մոտ մեկ երրորդով՝ հասնելով 72,8 միլիոն դոլարի։ Լատվիան եզրափակել է առաջին եռյակը՝ առաքումները նվազեցնելով մեկ քառորդով՝ մինչև 47,7 միլիոն դոլար։
