Հայաստանում և Հայաստանի շուրջ բարդ իրավիճակ է ստեղծվել։ «Առաջին լրատվական»-ի հետ զրույցում նշեց Փիլիսոփայական գիտությունների թեկնածու, դոցենտ, ԵՊՀ և Հայաստանում ֆրանսիական համալսարանի դասախոս Հովհաննես Հովհաննիսյանը։
Հովհաննիսյանի խոսքով՝ իշխանությունը կռվեց անցյալի դեմ, հարցականի տակ դնելով ապագա հարցը. «Դափնիների վրա ննջելու ոչ հեռատես քաղաքականությունը հանգեցրեց նրան, որ մենք մնացինք 80-ական, իսկ Ադրբեջանը մեզ պարտադրեց 5-րդ սերնդի պատերազմ։ Կարճատես սխալների շարքը շարունակվում է։ Դժվար է ՌԴ-ի հետ բարեկամություն անելը, բայց ՌԴ-ի նման թշնամի վաստակել պետք չէր։ Մենք կարող ենք զրկվել գազից, մեր սահմանները միայնակ պաշտպանել Թուրքիայից։ Ինչքան էլ ՌԴ-ն թուլանա, մենք նրանից որոշ օգուտներ կարող ենք քաղել»։
