ՀՀ ՊՆ փոխնախարար Արա Նազարյանն այսօր ներկայացրեց ՀՀ զինվորական ծառայության անցնելու մասին ՀՀ օրենքում փոփոխություն կատարելու՝ ՀՀ օրենքի նախագիծը:
Նախատեսվում է զինված ուժերում զինվորական ծառայության մեջ գտնվելու հինգ տարի ժամկետը սահմանել տասը տարի: Ըստ էության, մենք ունենք նման դրույթ՝ սահմանված կրտսեր և ավագ սպայական կազմերի համար:
Այս փոփոխությամբ այդպիսի հնարավորություն է ընձեռվում նաև բարձրագույն սպայական կազմին: Խոսքը մասնավորապես վերաբերում է դասախոսական, լրատվական, գրահրատարակչական, գիտահետազոտական, բժշկական խմբի և մի շարք այլ անձանց պաշտոնվարման տարիքը հինգից տասը տարի դարձնելուն:
ՀՀ ԱԺ ներքին գործերի և պաշտպանության մշտական հանձնաժողովի նախագահ Հրայր Կարապետյանը նշեց, որ օրենքի տվյալ նախագիծը ուսումնասիրվել է հանձնաժողովի կողմից, և տրվել է դրական եզրակցություն:
