Ռուսաստանի նախագահ Դմիտրի Մեդվեդևը քաղաքական կուսակցությունների առաջնորդների հետ հանդիպման ժամանակ հայտարարել է, որ հրաման է ստորագրել դեկտեմբերի 4-ին երկրում Պետդումայի ընտրություններ անցկացնելու վերաբերյալ: Այս մասին հայտնել է RIA-Novosti գործակալությունը:
«Հրամանն այսպիսին է. Ռուսաստանի Դաշնության Դաշնային ժողովի Պետական դումայի ընտրությունները նշանակել 2011 թ.-ի դեկտեմբերի 4-ին: Այն ուժի մեջ կմտնի պաշտոնական հրապարակումից անմիջապես հետո»,- ասել է Մեդվեդևը:
Այսպիսով՝ երկրի նախագահը, փաստորեն, հայտարարել է նախընտրական պրոցեսը սկսելու մասին: Հունիսի վերջին Մեդվեդևն առաջարկել էր քաղաքական մրցակցության մեծացման համար Պետդումա անցնելու շեմը ներկայիս 7%-ից իջեցնել 5%-ի կամ անգամ 3%-ի: Նրա կարծիքով՝ քաղաքական մրցակցության բացակայության պարագայում կորում են նաև տնտեսական շուկայական հարաբերությունների հիմքերը:
Առաջիկա ընտրությունների համար 7%-անոց շեմը չի իջեցվի:
