Վերլուծաբան Նժդեհ Հովսեփյանը ֆեյսբուքյան իր էջում գրել է. Այսօրվա ինֆորմացիոն «քաշքշուկը» և նախօրեից մեկնարկած տեղեկատվական տոտալ մանիպուլյացիաները հերթական անգամ փաստեցին, որ դեռևս նախորդ տարի փոխվարչապետի գրասենյակի համակարգմամբ ստեղծված «Կառավարության տեղեկատվական քաղաքականության և տեղեկատվական համակարգի ռեֆորմի» նախագիծը, որը Կառավարության ընդունած «Հանրային կառավարման բարեփոխումների» ռազմավարության բաղադրիչներից էր, խիստ ակտուալ է։
Դրա իրականացման պարագայում ոչ միայն զգալիորեն կլուծվեր ինֆորմացիայի համակարգման, պատասխանատվության ու պատշաճ համակարգային արձագանքման հարցը, այլև առողջ ինստիտուտ կստեղծվեր հետագա մարտահրավերների համար։
Այսօր աշխարհի հետ միասին Հայաստանը մտել է տոտալ մարտահրավերի մի պատմաշրջան, որտեղ խնդիրներին կարելի է դիմակայել բացառապես տեխնոլոգիայով, առաջին հերթին` մտքի տեխնոլոգիայով, խելամիտ ստեղծարարությամբ ու աշխատող, դինամիկ, առկա պայմաններին համապատասխանող ու աշխատող ինստիտուտներով։
Կլուծե՞նք ինստիտուտների հարցը, կապահովենք պետության կենսունակությունը։
