Սաուդյան Արաբիան որոշել Է բացել իր օդային տարածությունը բոլոր ավիաընկերությունների համար, որոնք համապատասխանում են թագավորության Քաղաքացիական ավիացիայի գլխավոր վարչության պահանջներին: Այդ մասին ասված Է հուլիսի 15-ին Twitter-ում վարչության հրապարակած հայտարարության մեջ:
«Որպես գլոբալ հանգույց թագավորության դիրքերի ամրապնդման համար, որը միացնում Է երեք մայր ցամաքներ, եւ միջազգային օդային հաղորդակցության բարելավման համար թագավորության Քաղաքացիական ավիացիայի գլխավոր վարչությունը հայտարարում Է իր օդային տարածությունը բոլոր ավիափոխադրողների համար բացելու որոշման մասին, որոնք համապատասխանում են թռիչքների վերաբերյալ գերատեսչության պահանջներին»,- նշված Է հայտարարության մեջ:
Քաղաքացիական ավիացիայի վարչությունն ուղղակիորեն չի հայտնել, թե բացում Է օդային տարածությունն Իսրայելի համար: Ըստ որում ԱՄՆ-ի պաշտոնական ներկայացուցիչը Reuters գործակալությանը հայտնել Է, որ Սաուդյան Արաբիան օդային տարածությունը կբացի Իսրայելի բոլոր ավիաընկերությունների համար եւ թույլ կտա ուղիղ չարտերային չվերթեր Իսրայելից այն մուսուլմանների համար, ովքեր մասնակցում են Մեքքայում ամենամյա ուխտագնացությանը:
Սաուդյան Արաբիան նախկինում Իսրայելի ավիաընկերություններին թույլ Էր տալիս թռչել իր օդային տարածությամբ հատուկ օդային միջանցքով՝ Արաբական Միացյալ Էմիրություններ եւ Բահրեյն չվերթերի համար, ինչպես նաեւ հետադարձ ուղղությամբ: Ըստ որում Իսրայելը հնարավորություն չուներ դպի Ասիա եւ Ասիայից թռիչքների համար, ներառյալ Չինաստանը եւ Հնդկաստանը: Բացի դրանից, նախկինում Էր Ռիադն Իսրայելից Մեքքա ժամանող մուսուլման ուխտանգնացներին ընդունում Էր սոսկ երրորդ երկրի միջոցով տարանցմամբ, հաղորդել Է ՏԱՍՍ-ը:
