Ինչպես հաղորդում է Reuters գործակալությունը, առաջիկա ժամերի ընթացքում Wikileaks սկանդալային կայքը պատրաստվում է համացանցում հրապարակել ամերիկյան դիվանագիտական նամակագրության մոտ 100 հազար նոր փաստաթուղթ, որոնք հայտնվել են նրա տրամադրության տակ: «Մենք կտեղադրենք ԱՄՆ պետքարտուղարության ներքին օգտագործման ավելի քան 100 հազար փաստաթուղթ՝ մինչև այս օրվա վերջը»,- Twitter միկրոբլոգերի կայքի իր էջում գրել է Wikileaks-ի հիմնադիր Ջուլիան Ասանժը:
Հրապարակման մեջ, սակայն, չի նշվում, թե կոնկրետ որ ժամային գոտու մասին է խոսքը: Նշվում է, որ հինգշաբթի կեսօրի դրությամբ հրապարակվել էր փաստաթղթերի մոտ 35-40%-ը: Ասանժը նախկինում հայտնել է, որ իր տրամադրության տակ կա մոտ 250 հազար փաստաթուղթ:
