Ուկրաինական կողմը տարածում է սպանված ռուս զինծառայողների այրված ու անճանաչելի մարմինների տեսանյութեր։ Կիևը հայտարարում է, որ իրենց հաշվարկներով սպանված ռուս զինծառայողների թիվն անցել է 4000-ը, կան հարյուրավոր գերեվարվածներ։ Տրամագծորեն տարբեր տեղեկատվությունէ տարածում ՌԴ ՊՆ-ն՝ հավաստելով, որ ուկրաինական կողմի զոհերը մի քանի անգամ գերազանցում են ռուսական կողմի զոհերի թվեին՝ այսպիսով առաջին անգամ անուղղակի հաստատելով, որ ռուսական կողմը ևս ունի զոհեր։ Թվեր սակայն չեն հնչում։
Ռուիսաստանի ՊՆ-ն հայտնել է, որ խոցել է Ուկրաինայի հազարից ավել ռազմավարական նշանակության ու ռազմական ենթակառուցվածք ու թիրախ։ Թեպետ կրկին, երկուստեք հնչող տեղեկությունները հստակեցման ու ճշտման կարիք ունեն։
Մի ճշմարտություն կա։ Այս պատերազմը խոր հետք է թողնելու ուկրաինական հասարակության մեջ։ Հարյուրավոր տարիների բարեկամությունը, ըստ էության, հօդս է ցնդում օրերի ընթացքում։ Այս պատերազմի մասին պատմությունները ուկրաինացիները հետագայում պատմելու են իրենց թոռներին ու ծոռներին։ Սա դառնալու է մեծ միասնական պատմություն ունեցող երկու երկրների շրջադարձային ջրբաժանը։ Բայց սա արդեն հետագային վերաբերող դիտարկում է։ Կա այս պահը, կան ընկնող արկեր ու ռմբակոծվող քաղաքաներ։ Ինչ է տեղի ունենում ռուս-ուկրաինական ռազմական ֆրոնտում, ինչ է փոխվել վերջին երկու օրերի ընթացքում։ Թեմայի շուրջ տաղավարում զրուցել ենք պահեստազորի գնդապետ Արծրուն Հովհաննիսյանի հետ։
