Մեծ Բրիտանիայի արտաքին գործերի նախարար Լիզ Տրասը ժամանել է Մոսկվա, որտեղ աշխատանքային այցի շրջանակում բանակցություններ է ունենալու ՌԴ արտգործնախարար Սերգեյ Լավրովի հետ: Այս մասին նշվում է ՌԴ-ում Մեծ Բրիտանիայի «Թվիթեր»-ի էջում արված գրառման մեջ:
Բրիտանական կողմը նշել է, որ ռուս գործընկերոջ հետ բանակցությունների ընթացքում քննարկվելու է Ուկրաինայի շուրջ իրադրությունը:
Ավելի վաղ Ռուսաստանի ԱԳՆ-ից հայտնել էին, որ արտգործնախարարները քննարկելու են երկկողմ հարաբերություններին, ինչպես նաև միջազգային ու տարածաշրջանային օրակարգի կարևոր թեմաներին առնչվող հարցեր:
