Նյու Յորքի Ազատության 93 մետրանոց արձանը փակվում է զբոսաշրջիկների համար վերանորոգման նպատակով: ԱՄՆ ներքին գործերի նախարար Քեն Սալազարը հայտարարել է, որ վերանորոգման համար ծախսվելու է 27.5 միլիոն դոլար: Այս մասին հայտնում է BBC-ն:
Արձանի մեջ տեղադրվելու են նոր աստիճաններ և նոր վերելակ: ԱՄՆ իշխանությունները հայտարարել են, որ դեռ 2001թ-ին էին մտադիր վերանորոգել արձանը, սակայն գումարներ հնարավոր է եղել հատկացնել միայն հիմա: Արձանը փակվելու է հոկտեմբերի 29-ին:
Համաձայն պաշտոնական տվյալների՝ տարեկան 3.5 միլիոն մարդ է այցելում Ազատության արձան:
Արձանը ֆրանսիացիները նվիրել են Ամերիկայի կառավարությանը 1886թ-ին: Այն իր 125-ամյակը նշելու հաջորդ օրն է կանգնելու վերանորոգման:
