ՄԱԿ-ի Անվտանգության խորհրդի անդամներն այսօր կանցկացնեն հանդիպում, որի ժամանակ կքննարկեն իրավիճակն Արևելյան Երուսաղեմում, որտեղ սաստկանում են բախումներն իսրայելցի ոստիկանների և պաղեստինցիների միջև։ Այս մասին հայտնում է Reuters –ը՝ հղում անելով ԱԽ աղբյուրներին։
Հանդիպմանը նախաձեռնողներն են Թունիսը, Իռլանդիան, Չինաստանը, Էստոնիան, Ֆրանսիան, Նորվեգիան, Նիգերը, Վիետնամը, Սենթ Վինսենթ և Գրենադինները։
Հանդիպմանը ընթացքում կողմերը կքննարկեն իրադրության կայունացմանն ուղղված քայլերը քաղաքում, որի արևելյան մասում ապրիլի կեսերից լարվածությունն աճում է։
Վերջին կատաղի ընդհարումները տեղի են ունեղել ուրբաթ երեկոյան։ Տաճարի լեռան վրա աղոթքի ավարտից հետո պաղեստինցիները քարեր ու ճայթրուկներ էին նետել ոստիկանների ուղղությամբ, ովքեր, ի պատասխան, արձակել էին ռետինե փամփուշտներ, լուսաձայնային նռնակներ և արցունքաբեր գազ։ Տուժել էր 6 ոստիկան, մոտ 200 պաղեստինցի։
