Բժիշկ և հեռուստահաղորդավար Ալեքսանդր Մյասնիկովը «Ռոսիա 1» հեռուստաընկերության եթերում նշել է սրտի կաթվածի նշանները, որոնց հազվադեպ են ուշադրություն դարձնում:
Բժիշկը նշել է, որ մարդկանց մեծամասնությունը գիտի այն ախտանշանները, որոնք կարող են վկայել այդ հիվանդության զարգացման մասին: Մենք խոսում ենք կրծքավանդակի ցավի, շնչառական դժվարությունների, բարձր քրտնարտադրության, թուլության զգացողության, խառնաշփոթ խոսքի, այրոցի և այլնի մասին:
Այնուամենայնիվ, ըստ փորձագետի, պետք է հաշվի առնել նաև «ում մոտ են հայտնվել այդ ախտանշանները»:
«Դուք պետք է սրտի կաթվածի ձեր ռիսկերը», – ասել է Մյասնիկովը:
Առաջին հերթին, անհրաժեշտ է հաշվի առնել սեռը և տարիքը: Ըստ բժշկի՝ կանայք ավելի շատ են ենթարկվում սրտի կաթվածի 50 տարեկանից հետո, մինչդեռ տղամարդիկ 45 տարեկանից սկսած:
Բացի այդ, Մյասնիկովը մատնանշել է ժառանգականության գործոնը: Խոսքը հարազատների մոտ սրտի կաթվածի, ինսուլտի և այլ անոթային հիվանդությունների վաղ դրսևորումների մասին է:
Ըստ բժշկի՝ ցածր խտության վատ խոլեստերինի բարձրացումը, բարձր խտությամբ լավ խոլեստերինի ցածր մակարդակը և բարձր շաքարը նույնպես ռիսկի գործոններ են:
Նա շեշտել է, որ հիպերտոնիան կարող է նպաստել այդ հիվանդության առաջացմանը, «նույնիսկ եթե զարկերակային ճնշումը դեղամիջոցներ ընդունելիս կարգավորվում է»:
Փորձագետը հավելել է, որ ծխելը, գիրությունը և ֆիզիկական անգործությունը մեծացնում են սրտի կաթվածի զարգացման հավանականությունը:
