Ինչպես գրում է ամերիկյան Los Angeles Times թերթը, արդեն երկրորդ անգամն է վերջին ամսվա մեջ, որ տարածաշրջանային առաջնորդը Լիբանանից դիմում է Իսրայելին:
Սակայն այս անգամ այդ հայտարարաությունը պակաս դաժան էր: Հյուսիսային Լիբանանում իր ելույթի ժամանակ Թուրքիայի վարչապետ Ռեջեփ Թայիփ Էրդողանը դիմել է փոքր հարևան պետությանը` Իսրայելին` իր իսկ շահերից ելնելով ընդունել խաղաղությունը և դադարեցնել սադրանքները:
«Իսրայելի կառավարությունը պետք է տեսնի և հասկանա սա. եթե տարածաշրջանում խաղաղություն է, ապա դրանից Իսրայելը կշահի այնքան, որքան տարածաշրջանը: Բայց եթե տարածաշրջանում պատերազմ և բախումներ եղան, Իսրայելի քաղաքացիները նույնքան կտուժեն, որքան տարածաշրջանինը», մեջբերում է նրա խոսքերը թերթը: «Այսպիսով, մենք Իսրայելին ևս մեկ անգամ կոչ ենք անում խաղաղության, ընդունելու սխալները և ներողություն խնդրելու Իսրայելի ու տարածաշրջանի ժովովրդի շահերից ելնելով»,- ասել է Էրդողանը:
Էրդողանի խոսքերը շատ ավելի դիվանագիտորեն էին ընտրված, քան մեկ ամիս առաջ այստեղ ելույթ ունեցած Իրանի նախագահն էր արտահայտվել:
Այդուամենայնիվ, չնայած ճիշտ ընտրված բառերին, Էրդողանն իր ուղերձներում անկեղծ էր:
Թերթը նաև անդրադարձել է հայերի բողոքի ակցիաներին Լիբանանում` նշելով, թե ինչ պահանջներ են ունեցել հայ երիտասարդները: Թերթը նաև նկարներ է հրապարակել, ուր բազմաթիվ հսկայական Էրդողանին ողջունող նկարներով պաստառներ պատռվել են Լիբանանի փողոցներում:
Այցի և ցույցի լուսանկարները կարող եք դիտել նաև մեր «Ականատես» բաժնում http://www.1in.am/arm/more_photos2_2.html
