Պատերազմի օրերին հայկական էպոսից ուղերձներ և կոդեր էին տարածվում: Որքանո՞վ դրանք արդարացվեցին: «Առաջին լրատվական»-ի հետ թեմայիշուրջ զրույցում PR և հեքիաթների մասնագետ Հայկ Կիրակոսյանն ընդգծեց, որ դրանք արդարացվեցին ամենակարևորում՝ դա այն ոգեղենությունն, որի բացակայության պարագայամում անկարելի է պատկերացնել՝ ինչ կլիներ հայության ու հայկականության հետ:
«Անկախ պատերազմի ելքից, մենք գիտենք, որ ազգը պետք է միավորվի, ունենա ոգեղենության անսպառ աղբյուր, մեր «Սասնա ծռերը» այդ ոգեղենության կարևորագույն աղբյուրն է»,- նշեց Կիրակոսյանը:
Այսօր մեր հանրությունը վախեցած է արցախյան երկրորդ պատերազմից, անվտանգային համակարգի փլուզումից, ո՞վ է լինելու այն քաջը, որը վերադարձնելու է հաղթանակի հույսը: Հայկ Կիրակոսյանի խոսքով՝ վախեցած լինելը ակնհայտ է, և այդ վախը խորացնելու թե՛ արտանքին, թե՛ ներիքն մտումներ կան: «Հոգեբանական վախի մեջ պահելու մղումը նպատակ ունի պարալիզացնել Հայաստանի և աշխարհի բոլոր հայերի կամքը և վճռականությունը: Իսկ վճռականը նա է, ով կկարողանա գնալ և բերել «Հազարան բլբուլը»… Համանակարգը պետք է փոխել, և չորացած երկիրը կծաղկի: «Հազարան բլբուլը» այն հավատն ու ոգեղենությունն է, որի շուրջ մարդիկ միավորվում են և բարի խոհը մուտք է դնում իրենց սրտում»:
Կիրակոսյանի դիտարկմամբ՝ իշխանության կողմից ցանկացած թուլություն բոլոր իշխանատենչների մոտ առաջացնում է գայլային ախորժակ. «Լուծումներ չեն առաջարկում, այլ կուրորեն ձգտում են իշխանության: Կա քաղաքական քինախնդրության հարց: Բայց պետք է սկսենք նոր էջից»:
Մեր զրուցակցի կարծիքով՝ արդեն ժամանակն է հրաժարվելու փորձած ճանապարհներց. «Մեզ հիմա անփորձ մածուն է պետք, փորձած թանից մենք ազգովի փսխում ենք արդեն»:
Մանրամասն՝ տեսանյութում:
