Հայկական բանակում առկա խնդիրների և բանակի արդիականացման անհրաժեշտության թեմայի շուրջ «Առաջին լրատվական»-ը զրուցել է ինժեներ- կոնստրուկտոր Էրիկ Սարգսյանի և IT մասնագետ Հրանտ Ղարաբեկյանի հետ:
«Թե ինչ հետևություններ են արվել պատերազմի վերաբերյալ, դեռևս պարզ չէ, որովհետև օբյեկտիվորեն քայլերը դեռևս չեն երևում: Հետպատերազմյան սթրեսային իրավիճակից վերականգնվելու համար ժամանակ է պետք»,- նշեց Հրանտ Ղարաբեկայնը՝ ընդգծելով, որ միայն բանակն առանձին չի կարող զարգանալ, դրա համար առաջին հերթին զուգահեռաբար պետք է զարգանան կրթությունն ու գիտությունը, տնտեսությունը:
«Գիտության զարգացման համար տարիների աշխատանք է անհրաժեշտ, բայց դա պետք է արվի ամենօրյա ռեժիմով,- նշեց Ղարաբեկյանը:
Անդրադառնալով դիտարկմանը, որ հինգերորդ սերնդի պատերազմն ապացուցեց, որ մարդկային գործոնը, թերևս, հասնում է նվազագույնի և գերակայությունը բարձր տեխնոլոգիաներինն է, Ղարաբեկյանը հակադարձեց, նշելով, որ նոր սերնդի պատերազմներում մարդկայանի գործոնը շարունակում է մնալ կարևոր. «Որքան բարձր են տեխնոլոգիաները, այնքան ավելի բարդ է համակարգը և ավելի լայն գիտելիքներ ու պատկերացումներ ունեցող մարդիկ են պետք. մարդկային գործոնի նշանակությունը մեծ է»:
Էրիկ Սարգսյանը կարծիք հայտնեց, որ օրենսդրական բաց կա այն առումով, որ կան ոչ խոշոր ներդրողներ, որոնք կարող են ստարթափ ներկայացնել և ներդրում ունենալ, սակայն օրենսդրական մեխանիզմներ չկան:
Մեր զրուցակիցների դիտարկմամբ՝ բանակի բազմաթիվ խնդիրներ այսօր էլ կարող է լուծել ՏՏ ոլորտը. պատվիրատու չկա:
Մանրամասները՝ տեսանյութում:
