Պորտուգալիայում և Իսպանիայում տեղի է ունեցել երկու նմանատիպ դեպք. ընտանիքներին սխալմամբ տեղեկացրել են, որ իրենց հարազատները մահացել են կորոնավիրուսից:
Առաջին դեպքի մասին գրել է պորտուգալական Jornal de Notícias պարբերականը: Ըստ հրապարակման, դեպքը տեղի է ունեցել Էնթրի-Դորու-ի-Վոգա հիվանդանոցում, որտեղ 92-ամյա տղամարդը հոսպիտալացման ժամանակ վարակվել է COVID-19-ով: 10 օր անց ընտանիքին հայտնել են, որ հիվանդը մահացել է:
Սակայն, տղամարդու հուղարկավորությունից 20 օր անց պարզվել է, որ մահացել է մեկ այլ հիվանդ:
Երկրորդ դեպքի մասին հաղորդել է իսպանական La Voz de Galicia պարբերականը: Հովեի մունիցիպալիտետում բժշկական հաստատության նույն հիվանդասենյակում բուժում ստացող 85 և 90 տարեկան տարեց կանանցից մեկի մահվան մասին տեղեկացրել են նրա հարևանուհու ընտանիքին: 10 օր անց «մահացած» կինը դուրս է գրվել հիվանդանոցից:
