Անկարայի կողմից ռուսական С-400 հակաօդային պաշտպանության «Տրիումֆ» համակարգերի գնման հետ կապված Թուրքիան և Միացյալ Նահանգները պայմանավորվել են համատեղ աշխատանքային խումբ ստեղծել, հայտարարել է երկրի արտաքին գործերի նախարար Մևլյութ Չավուշօղլուն, տեղեկացնում է «ՌԻԱ Նովոստի»-ն:
«Տեխնիկական բանակցությունները սկսվել են»,- հավելել է նա մամուլի ասուլիսի ժամանակ:
Թուրք-ամերիկյան հարաբերությունների ճգնաժամի պատճառ դարձած ռուսական համակարգերի վերջին մատակարարումները սկսվել են 2019-ի ամռանը: Վաշինգտոնը պահանջել է հրաժարվել գործարքից և դրա դիմաց գնել ամերիկյան Patriot համակարգերը՝ սպառնալով հետաձգել կամ նույնիսկ չեղարկել Թուրքիային F-35 կործանիչների վաճառքը, ինչպես նաև պատժամիջոցներ կիրառել՝ համաձայն CAATSA-ի («Պատժամիջոցների միջոցով Ամերիկայի հակառակորդներին հակազդելու մասին» օրենք):
Անկարան հրաժարվել է զիջումների գնալ և շարունակել է բանակցությունները С-400-ի լրացուցիչ խմբաքանակի շուրջ:
