Սերբիա մուտք գործելու համար այժմ կպահանջվի ներկայացնել COVID-19-ի բացասական ՊՇՌ-թեստ: Այդ մասին հաղորդել է Ռուսաստանի տուրօպերատորների ասոցիացիան (ՌՏՕԱ):
Երկրում մինչև դեկտեմբերի 18-ը երկարացվել է կորոնավիրուսի դեմ պայքարի համար գոյություն ունեցող սահմանափակիչ միջոցները: Հասարակական սննդի բոլոր ձեռնարկությունները եւ առեւտրի կետերի մեծամասնությունն աշխատում են մինչև 17:00-ն և փակ են հանգստյան օրերին:
Բացի այդ, կառավարության ճգնաժամային շտաբի նիստում որոշվել է, որ օտարերկրյա քաղաքացիները կարող են Սերբիա մուտք գործել միայն կորոնավիրուսի ՊՇՌ-թեստի բացասական արդյունքով՝ կենսանյութը վերցնելու պահից ոչ ավելի, քան 48 ժամ գործողության ժամկետով: Այդ պահանջն ուժի մեջ է մտնում դեկտեմբերի 20-ից, և, ինչպես ենթադրվում է, կգործի մինչև 2021 թվականի հունվարի 10-ը: Ռուսաստանը Սերբիայի հետ ավիահաղորդակցությունը վերականգնել է հոկտեմբերի 15-ից, իսկ տուրօպերատորներն աշնանը սկսել են շրջագայություններ վաճառել Բելգրադ և այս երկրի լեռնադահուկային առողջարաններ:
