Ճապոնիայի կառավարությունը Քուվեյթի իշխանությունների հետ համաձայնություն է ձեռք բերել Ճապոնիայի Կյուսյու հարավային կղզում հիմնակայան ստեղծելու շուրջը՝ ճգնաժամի դեպքում Հարավ – արևելյան Ասիայի երկրներին նավի արտակրագ մատակարարման համար: Այնտեղ կտրամադրվեն շուրջ 500 հազար կիլոլիտր ընդհանուր տարողությամբ պահեստարաններ, դեկտեմբերի 1-ին հաղորդել է The Japan News թերթը։
Հիմնակայանը կտեղավորվի Կագոսիմայի պրեֆեկտուրայում՝ Կյուսյու կղզու հարավում: Սովորական ժամանակ այն կարող է օգտագործել Քուվեյթի պետական նավթընկերությունն իր ընթացիկ արտահանական մատակարարումների համար:
Սակայն արտակարգ հանգամանքների դեպքում այնտեղ գտնվող ծավալները նպատակային կերպով կտրամադրվեն Հարավ – արևելյան Ասիայի պետությունների տնօրինությանը, որոնց նավթի սեփական ռազմավարական պաշարներն առայժմ բավականաչափ քիչ են: Ենթադրվում է, որ Կագոսիմայի պրեֆեկտուրայի հիմնակայանը կկարողանա այդ երկրների կարիքներն ապահովել ավելի քան տասն օրվա ընթացքում։
