Ֆրանսիայի կառավարությունն առաջարկել է քրեական պատասխանատվություն սահմանել շրջակա միջավայրի աղտոտման համար՝ հաղորդում է Europulse-ը:
Այժմ Ֆրանսիայում շրջակա միջավայրի աղտոտումը համարվում է վարչական իրավախախտում: Եթե առաջարկն ընդունվի, ապա բնապահպանական չափանիշները խախտելու համար քաղաքացիներին սպառնում է 10 տարվա ազատազրկում:
Առաջարկվում է նաև մի քանի անգամ բարձրացնել իրավաբանական անձանց տուգանքները թափոնների ապօրինի օտարման, ինչպես նաև անսարք ֆիլտրերի համար և այլն: Նշվում է, որ տուգանքի չափը տասն անգամ ավելի կլինի, քան այն օգուտը, որը ընկերությունը կարող էր ստանալ` անտեսելով բնապահպանական պահանջները:
Այս փոփոխությունները մաս են կազմում, այսպես կոչված, «էկոցիդի մասին» օրենքների փաթեթի («էկոլոգիա» և «ինքնասպանություն» բառերից): Այն ձևավորելու համար Ֆրանսիայի իշխանությունները հրավիրեցին բնապահպանների, կլիմայագետների և պարզապես ակտիվ քաղաքացիների, ովքեր գրեթե 150 առաջարկ էին ներկայացնում ջերմոցային գազերի արտանետումները նվազեցնելու և բնության բեռը ընդհանուր առմամբ նվազեցնելու վերաբերյալ:
