Լեհական հանձնաժողովը ի վերջո հրապարակել է Լեհաստանի նախագահ Լեխ Կաչինսկու՝ 2010 թ. ապրիլին ինքնաթիռի կործանման պատճառների վերաբերյալ եզրակացությունը, որը համարվում է ամփոփիչ և ընդունված է երկրի ղեկավարության կողմից: Լեհական կողմն անդրադարձել է միանգամից մի քանի խնդրի. գնահատականներ են տրվել Լեհաստանի նախագահի անձնակազմի և ուղևորների, ինչպես նաև ռուս դիսպետչերների գործողություններին:
Լեհական հանձնաժողովը ինքնաթիռի կործանման հիմնական պատճառ է նշել օդաչուների խմբի վատ պատրաստվածությունը, որը մի շարք կոպիտ սխալեր է թույլ տվել ինքնաթիռի վայրէջքի ժամանակ: Որպես վատ պատճառ է նշվում շտուրմանի՝ ռուսերենի վատ իմացությունը, ինչը թույլ չի տվել պատշաճ կերպով ընդունել դիսպետչերների հրահանգները: Ամբողջությամբ հերքվել է երկրի ղեկավարության ազդեցությունը օդաչուների կայացրած որոշումների վրա: Անշուշտ, օդաչուն երկրի բարձրաստիճան պաշտոնայներին տեղեկացրել է վատ եղանակային պայմանների մասին, սակայն որոշումն ինքնուրույն է կայացրել:
Լեհաստանի իշխանությունները նաև համարում են, որ Սմոլենսկի օդանավակայանը պատրաստ չի եղել անվտանգ ընդունելու ինքնաթիռները՝ սկսած դիսպետչերներից, որոնք մի քանի անգամ հակասական հրահանգներ են տվել, ինչը նպաստել է անձնակազմի սխալ որոշումների կայացմանը, մինչև լուսավորման վատ համակարգը:
Զեկույցը, որ պատրաստել է 34 փորձագետ, նախատեսված էր հրապարակել դեռ փետրվար ամսին, սակայն հրապարակման ժամկետը փոփոխվել է՝ կապված ձեռք ձեռք բերված տեղեկություններն ուսումնասիրելու հետ:
