Ամերիկյան Apple ընկերությունը թարմացրել է iMac համակարգիչների գիծը: Մամլո հաղորդագրության համաձայն, նոր 27-դյույմանոց մոդելները «պատմության մեջ ամենահզորն են»:
Դիզայնը մնացել է նույնը՝ էկրանի սև շրջանակ և պատկերանշանով բարձր «կզակ»: Նոր iMac-ն ունի 10-րդ սերնդի Gen Intel Comet Lake պրոցեսոր, իսկ FaceTime տեսախցիկի լուծույթն այժմ հասնում է 1080p-ի:
Թոփային կոմպլեկտավորումն ունի կրկնակի մեծ օպերատիվ հիշողություն և նոր սերնդի AMD գրաֆիկական պրոցեսոր: Մշակողները պնդում են, որ գրաֆիկայի մշակման արագությունը Radeon Pro 5000 շարքի համեմատությամբ աճել է ավելի քան 50%-ով: SSD-կուտակիչն ունի մինչև 8 տերաբայթ հզորություն:
Նորույթն ունի նաև 2-րդ սերնդի Apple T2 անվտանգության չիպ, այն կոդավորում է սկավառակի վրա պահվող տվյալները և վերահսկում է տեղադրված ծրագրերը:
Էկրանն այժմ ունի True Tone գործառույթը, որը ճշգրտում է գունային ջերմաստիճանը՝ կախված շրջապատող լույսից: IMac-ն ունի նաև «ստուդիական ձայնագրման որակով» նոր միկրոֆոններ:
Հաճելի բոնուս է հանդիսանում այն փաստը, որ iMac-ի գինը չի փոխվել: Apple-ի պաշտոնական առցանց խանութում iMac 27-ը կարելի է պատվիրել 2400 դոլարով:
