Ռեալիթի-շոուի աստղ Քիմ Քարդաշյանը խոսել է ամուսնու՝ ռեփեր Քանյե Ուեսթի երկբևեռ խանգարման մասին: Համապատասխան հայտարարությունը նա հրապարակել է իր Instagram-ում:
Այս հայտարարությունը նրա արձագանքն էր հուլիսի 21-ի լույս 22-ի գիշերը ԱՄՆ նախագահի թեկնածուի հրապարակումներին, որոնք ավելի ուշ երաժիշտը հեռացրել է:
«Ինչպես ձեզնից շատերը գիտեն, Քանյեն երկբևեռ խանգարում ունի: Նա հրաշալի, բայց բարդ մարդ է, որը գտնվում է ճնշման տակ»,- գրել է Քարդաշյանը:
Նա հավելել է, որ ռեփերը ճնշման տակ է որպես արտիստ և աֆրոամերիկացի, ինչպես նաև ծանր ապրումներ ունի «մոր ցավալի կորստի» հետ կապված: Նրա խոսքով, խանգարումը խորանում է նաև մեկուսացման հետևանքով:
Ուեսթի կինը շեշտել է, որ երկբևեռ խանգարումը չի ազդում նրա ստեղծագործական աշխատանքի վրա: Նա նշել է, որ ռեփերի մտերիմները հասկանում են, որ նրա խոսքերը միշտ չէ, որ համապատասխանում են նրա հայացքներին: Բացի այդ, Քարդաշյանը լրատվամիջոցներին կոչ է արել համերաշխություն դրսևորել: