Facebook ընկերությունը չորեքշաբթի օրը հայտարարել է, որ արգելափակել է Բրազիլիայի նախագահ Ժաիր Բոլսոնարուի շրջապատի հաշիվները, այդ թվում նրա երկու որդիների անձնական էջերը։
«Համակարգված սադրիչ պահվածքի» համար լուծարման տակ են ընկել Facebook-ի 35 անձնական հաշիվ, 14 էջ, 1 խումբ և Instagram-ի 38 հաշիվ: Facebook- ի փակված հաշիվներն ունեցել են 883 հազար բաժանորդ, ավելի քան 917 հազար բաժանորդ են ունեցել Instagram-ի հաշիվները։
«Չնայած այս գործողությունների հետևում թաքնված մարդիկ փորձել են թաքցնել իրենց ինքնությունը և միմյանց հետ կապը, մեր հետաքննությունը կապեր է հայտնաբերել անձանց հետ, որոնք կապված են Սոցիալ-լիբերալ կուսակցության հետ կապված անձանց և Անդերսոն Մորաեսի, ԱլանՊասոսի, Էդուարդոյի, Ֆլավիոյի և Ժաիր Բոլսոնարուի գրասենյակների որոշ աշխատակիցների հետ», – ասված է ընկերության հայտարարության մեջ:
Էջերը «քողարկվել են որպես լրատվամիջոցներ» և տեղադրել են տեղական քաղաքականությանը, քաղաքական ընդդիմության քննադատությանը, ԶԼՄ-ներին և լրագրողներին վերաբերող իրադարձությունների վերաբերյալ հայտարարություններ: Հաշիվների թեման նաև կորոնավիրուսի համաճարակն է եղել:
Չորեքշաբթի օրը Facebook-ը հաշիվների ցանց է փակել նաև Կանադայում և Էկվադորում, որոնք Սալվադորում, Արգենտինայում, Ուրուգվայում, Վենեսուելայում, Էկվադորում և Չիլիում զբաղվում էին լսարանի «մշակմամբ»:
