Էմի Ուայնհաուսի ընտանիքը որոշում է կայացրել չհայտարարել հայտնի երգչուհու թաղման ժամի և վայրի մասին: Այս մասին հաղորդում է BBC-ն: Սակայն մինչ այդ Էմիի հայրը շնորհակալություն է հայտնել հազարավոր երկրպագուներին, որոնք եկել են նրա տան մոտ. «Ես չեմ կարող բացատրել, թե ինչ է սա նշանակում մեզ համար, այն զգալիորեն թեթևացնում է մեր ցավը: Մեր հոգին ամայացած է, և ես խոսքեր չունեմ, սակայն շնորհակալություն, որ եկել եք»,- ասել է երգչուհու հայրը:
Երկուշաբթի օրը բրիտանացի դատաբժիշկները իրականացրել են դիահերձում, որի ընթացքում մահվան պատճառը չի պարզվել: Այժմ մասնագետները սպասում են փորձաքննության արդյունքներին, որոնք հայտնի կդառնան միայն մեկ ամիս անց:
Թաղումը տեղի կունենա երեքշաբթի օրը: Մարմինն արդեն փոխանցվել է ծնողներին: Բրիտանական լրատվամիջոցների հաղորդմամբ՝ երգչուհու տանը թմրանյութեր չեն հայտնաբերվել, իսկ բժիշկներն էլ ասել են, որ հայտնի երգչուհին չի մահացել թմրանյութերի գերդոզավորումից:
