Երուսաղեմի Սուրբ Հարության տարաճարում տեղի է ունենում «Լույսի» արարողությունը, սակայն առանց ուխտավորների և հավատացյալների: Այս մասին գրառում է կատարել Երուսաղեմի Հայոց պատրիարքարանի դիվանապետ Հայր Կորյուն վարդապետ Բաղդասարյանը:
«Տեղեկացնում ենք, որ Սուրբ Հարության տաճարում տեղի ունեցող «Լույսի» արարողությունը այսօր պիտի կատարվի, սակայն առանց ուխտավորների և հավատացյալների մասնակցության»,- նշել է նա:
Հայր Կորյուն վարդապետ Բաղդասարյանը տեղեկացրել է նաև, որ ըստ կառավարության որոշման՝ արարողությանը պետք է մասնակցի 10 հոգևորական. երեք հայ, երեք հույն, մեկ ղպտի, մեկ ասորի (վերջիներս Սուրբ Երկրում Հայ Առաքելական եկեղեցու հետեւակ համայնքներ են եւ, որպես այդպիսին, իրավունք ունեն մասնակցելու արարողության որոշ մասերի), երկու ոստիկան, մեկ լուսանկարիչ և մեկ օպերատոր:
«Կարևոր է նշել, որ հակառակ փաքրաթիվ մասնակիցների, արարողությունը պիտի կատարվի «Ստատուս քվո»-ով նախատեսված ընթացակարգով, եւ Հայ Եկեղեցու որեւէ իրավունք չի խախտվի»,- վստահեցրել է նա:
Արարողությունն առցանց հեռարձակում է Greek City Times-ը։
Կորոնավիրուսը լայն տարածում է գտել աշխարհի շատ երկրներում: Իսրայելում հաստատված դեպքերի թիվն անցել է 13 հազարը:
