Այսօր՝ մարտի 31-ին, Ազգային ժողովում շարունակվում է արտահերթ նիստի աշխատանքը: Այժմ քննարկվում է Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը 2-րդ ընթերցմամբ ընդունելու հարցը:
«Շատ պարզ է. առաջացել է իրավիճակ, որ անհրաժեշտ է մարդկային կյանքեր փրկելու համար մտցնել որոշ սահմանափակումներ. սրա մասին է խոսքը: Ես կարծում եմ, որ այս փաստը արձանագրելուց հետո պետք է ավարտել բոլոր ելույթները. չկա այլևս քննարկելու բան»,- հայտարարեց ԱԺ նախագահ Արարատ Միրզոյանը:
Նա նշեց` իրենց, որ կյանքի մեծ մասն անցկացրել են մարդու իրավունքների համար պայքարելով, հիմա այդ իրավունքները սահմանափակելու մեջ են մեղադրում:
ԱԺ նախագահը նշեց, որ եթե նունիսկ 0.01 տոկոսը փրկվի այս միջոցով, դա տասնյակ հազարավոր մարդկանց կյանք է. «Իսկ եթե այդ մեկ մարդը ձեր անմիջական շրջապատից է` ընկնելո՞ւ եք իրավունքների հետևից: Այս օրենքի նախագծով 10 չէ, 7 կյանք է փրկվելու. դե դեմ քվեարկեք»:
Մանրամասները՝ տեսանյութում:
