Միացյալ Նահանգների Դաշնային ռեգիստրը հրապարակել է 2018-ին օտարերկրյա պետությունների իշխանությունների կողմից ստացված նվերների ցուցակը:
Այսպիսով, փաստաթղթի համաձայն, Ֆրանսիայի առաջնորդ Էմանուել Մակրոնը Թրամփին նվիրել է ավելի քան 8 հազար դոլար արժողությամբ Louis Vuitton-ի գոլֆի պայուսակ, իսկ Կանադայի վարչապետ Ջասթին Թրյուդոն՝ 470 դոլար արժողությամբ մարմարյա արձան:
Նշվում է նաև, որ ամերիկյան առաջնորդ Դոնալդ Թրամփը Ռուսաստանի նախագահ Վլադիմիր Պուտինից ստացել է 1500 դոլար արժողությամբ 12 արծաթե մետաղադրամների հավաքածու, որը նվիրված է Ռուսաստանում կայացած ֆուտբոլի աշխարհի առաջնությանը:
Ամենաթանկարժեք՝ 23,5 հազար դոլար արժողությամբ նվերը, ուղղված է եղել Միացյալ Նահանգների առաջին տիկնոջ Մելանյա Թրամփին: Նիմֆենբուրգյան թանկարժեք ճենապակյա սպասքը առաջին տիկնոջը նվիրել է Կատարի էմիր Թամիմ բին Համադ Ալի Տանիուին: Թրամփի կինը ստացել է նաև 850 դոլար արժողությամբ Givenchy պայուսակ՝ Ֆրանսիայի առաջին տիկին Բրիջեթ Մակրոնից, Shosha Kamal դիզայներական տան բազմոց 10 000 դոլար արժողությամբ՝ Եգիպտոսի նախագահ Աբդել Ֆաթթահ ալ-Սիսիից և 450 դոլար արժողությամբ տունիկա՝ Լիբանանի դեսպան Գաբրիել Իսայից:
