Ամերիկացի սուպերմոդել Քենդալ Ջեների ժեստը, որին հեռուստահաղորդավար Փիրս Մորգանն անվանել է Քարդաշյանների ընտանիքի միակ գեղեցկուհին, ծաղր են համարել մարզիկ Քոբի Բրայանի մահվան հանդեպ: Տեսանյութը հայտնվել է նրա Instagram-օգտահաշվում:
24-ամյա հայտնին իր էջում գրառում է հրապարակել «թևի թափը» բառերով: Լոգարանի հայելու մեջ նկարահանված կարճ տեսանյութում նա աջ ձեռքը բարձրացնում է վեր և կտրուկ իջեցնում այն: Ըստ մեկնաբանների, մարմինը գրկող սև կոստյումով մոդելի ձեռքի շարժումը հիշեցնում է ուղղաթիռի շարժիչի պտտումը:
Տեսանյութը դիտվել է 12 միլիոն անգամ: Որոշ օգտատերեր կապ են տեսել Ջեների ժեստի և բասկետբոլիստի ողբերգական մահվան միջև և մեկնաբանություններում քննադատել են նրան: «Տեղին չէ նման հրապարակումը, հաշվի առնելով ընդամենը մի քանի օր առաջ տեղի ունեցածը», «Թևի թա՞փը: Դու իսկապե՞ս հիմար ես», գրել են նրանք:
Հունվարի 26-ին Քոբի Բրայանը և նրա 13-ամյա դուստրը զոհվել են ուղղաթիռի վթարի հետևանքով: Ուղղաթիռի ուղևորներից ոչ մեկը չի փրկվել:
