«Ռուսաստանի նախագահ Վլադիմիր Պուտինը իրեն շրջապատել է այնպիսի մարդկանցով, որոնք չեն կարողանա մատնացույց անել նրա սխալները»,– ասաց լրագրող և հեռուստահաղորդավար Վլադիմիր Պոզները: Նա այս կարծիքը հայտնեց իր ստեղծագործական երեկոյի ժամանակ՝ մոսկովյան ռեստորաններից մեկում: Նրա խոսքերը հրապարակվել են Pozner Online կայքում շաբաթ օրը՝ դեկտեմբերի 28-ին:
Ըստ Պոզների, հաջողության կհասնեն միայն այն դեպքում, եթե նախագահը իրեն շրջապատի այնպիսի մարդկանցով, ովքեր ի վիճակի են չհամաձայնվել նրա դիրքորոշման հետ: «Մարդիկ, ովքեր ավելի խելացի են, ովքեր ավելի լավ են տիրապետում իրենց գործին, քան ինքը»,- շեշտեց նա:
Ըստ նրա, պետության ղեկավարը պետք է լսի բոլորին և որոշումներ կայացնի միայն ճշգրիտ տեղեկատվության հիման վրա:
Լրագրողը հիշեց մի պատմություն, երբ «Առաջին ալիք» հաղորդաշարի ընթացքում նա համաձայն չէր նախագահի քաղաքականությանը: Պոզները նշեց, որ դրան հաջորդած բացասական արձագանքը զարմացրեց իրեն: Նա շեշտեց, որ իրենք պարտավոր չեն համաձայնել նրա կարծիքի հետ, և լավ է, երբ տարբեր դիրքորոշումներ են արտահայտվում:
