Ճիշտ ընտրված սննդակարգը կօգնի ազատվել որովայնի ճարպից: Այս մասին հայտնում է Focus-ը՝ հղում անելով ամերիկացի էնդոկրինոլոգ Էլիզաբեթ Լոուդենին:
Բժիշկը համարժեք սննդակարգն օրգանիզմի նյութափոխանակությունը բարելավելու միջոց է անվանել: Մասնագետի կարծիքով, դանդաղ մետաբոլիզմով մարդիկ իրենց սննդակարգում պետք է ավելի շատ չհագեցած ճարպաթթուներ պարունակող մթերքներ ներառեն, օրինակ, ավոկադո և ընկույզ, որոնք դանդաղ են մարսվում, քանի որ շատ էներգիա են պահանջում դրա համար:
Բժիշկը նաև հորդորել է ուշադրություն դարձնել սննդում սպիտակուցների պարունակությանը, ինչի անբավարարությունը կարող է հանգեցնել մկանային զանգվածի մասնաբաժնի նվազմանը՝ պահպանելով ճարպայինը:
