Հայաստանում մոտավորապես 18 հազար ավանակ է ապրում: Ավելին՝ ավանակները ավելի շատ են, քան ձիերը: Գյուղնախարարության անասնաբուծության եւ տոհմային գործերի վարչության պետ Աշոտ Հովհաննիսյանն այդ հանգամանքը պարզաբանեց նրանով, որ ավանակները կերի շատ քիչ ծախս են պահանջում: Ավելին հատուկ խնամքի պահանջ չեն զգում: Բացի այդ, ավանակներին օգտագործում են բեռնափոխադրան համար: Հիմնականում` ցախ են տեղափոխում նրանց միջոցով հատկապես անտառամերձ եւ լեռնամերձ շրջաններում: Այսինքն՝ նրանց պահում են բեռնափոխադրումների, խոտի տեղափոխման աշխատանքներում: Մեր այն հարցին, թե կա՞ն արդյոք այլ ոլորտներ, որտեղ ավանակները կարող են իրենց դրսեւորել Աշոտ Հովհաննիսյանը ավելացրեց. «Չէ, էլ ոլորտ չկա: Մեկ էլ Ղարաբաղում ավանակների մրցույթ են իրականացնում»:
