Գո տրամաբանական սեղանի խաղի աշխարհի նախկին չեմպիոն Լի Սեդոլը հայտարարել է պրոֆեսիոնալ խաղից հեռանալու մասին, հաղորդում է The Guardian-ը:
Սեդոլը հայտարարել է, որ արհեստական բանականությանը հաղթել հնարավոր չէ: «Նույնիսկ եթե ես աշխարհում թիվ մեկ դառնամ, մնում է մի բան, որին ես չեմ կարող հաղթել»,- ասել է նա:
2016 թ.-ին Սեդոլը AlphaGo ծրագրին պարտվել է 5 խաղից 4-ը և մինչև այժմ միակ մարդն է, որը հաղթել է ալգորիթմին:
Գո տրամաբանական սեղանի խաղն առաջացել է Հին Չինաստանում և համարվում է առավել դժվարը արհեստական բանականության համար՝ տախտակի մեծ չափի և քայլերը կանխատեսելու դժվարության պատճառով:
Խաղին մասնակցում է երկու մարդ՝ մեկը ստանում է սև քարեր, մյուսը՝ սպիտակ: Մրցակիցների նպատակը խաղատախտակի տարածքի մեծ մասը իր գույնի քարերով ծածկելն է:
AlphaGo ծրագիրը մշակել է Google-ին պատկանող DeepMind ընկերությունը:
