Վիճակախաղում շահելու մասին երազը մարգարեական է եղել և ամերիկացուն քառորդ միլիոն դոլար է բերել, հաղորդում է United Press International-ը:
Ամերիկյան Նորթ Չարլսթոն քաղաքի բնակիչ Քևին Միլերը պատմել է, որ երազ է տեսել, որում նա հաղթում է վիճակախաղում: Դրանից մի քանի օր անց տղամարդը որոշել է տոմս գնել:
«Ես տատանվում էին վիճակախաղի տոմս գնելու հարցում, քանի որ շտապում էի, իսկ տղան, որը հերթում կանգնած էր ինձնից առաջ, դանդաղում էր և չէր կարողանում որոշում կայացնել»,- պատմել է Միլերը:
Սակայն տղամարդը որոշել է չհեռանալ և սպասել իր հերթին: Շուտով նա իմացել է, որ գնված տոմսը նրան 250 հազար դոլար է բերել:
Հաղթողը պատմել է, որ նախատեսում է գումար ծախսել իր և իր հարսնացուի համար նոր տուն գնելու վրա:
