Գլոբալիզացիայի և տարածաշրջանային համագործակցության վերլուծական կենտրոնի նախագահ, քաղաքագետ Ստեփան Գրիգորյանը դրական է գնահատում ԵԺԿ նախագահի պաշտոնում Դոնալդ Տուսկի ընտրվելու հանգամանքը, բայց նաև իր մտահոգություններն է հայտնում. «Դուք գիտեք, որ ԵԺԿ-ի անդամներից է նաև ՀՀԿ-ն։ Այդ կուսակցությունը չի կարողանում հաշտվել իշխանությունը կորցնելու հետ և անում է հակապետական քայլեր. դրա վկայությունն է նաև Զագրեբում Սերժ Սարգսյանի ելույթը։ Մտահոգություն ունեմ, որ իշխանությունների դրական գործունեությունը կարող է չեզոքացվել այդ հակապետական գործունեության արդյունքում»։
Ըստ Գրիգորյանի՝ «Իմ քայլը» պետք է կողմնորոշվի և աշխատի ունենալ գործընկերներ Եվրախորհրդարանում. «Այդ պակասը միանշանակ զգացվում է, ու ակնհայտ է, որ նրանք Հայաստանի մասին ունեն միակողմանի տեղեկատվություն»։
Հարցազրույցն ամբողջությամբ՝ տեսանյութում:
