Որոշ մթերքներ կարող են փոխարինել դեղերին: Այսպիսի եզրահանգման է եկել բժիշկ Ֆրանցիսկա Ռուբինը Focus-ի հետ զրույցում:
Նրա խոսքով՝ այդ մթերքների շարքում կարելի է դասել վարսակը, կարտոֆիլը, կոճապղպեղը, մեղրը, քրքումը, կաղամբը, կարագը, աղը, կիտրոնը և սոխը: Բժիշկը հստակեցրել է, որ դրանք կարելի է ոչ միայն ուտել, այլև օգտագործել որպես թրջոցներ և դիմակներ:
Այսպես. վարսակը և կաղամբը կարևոր են աղիքների առողջության համար. առաջինը իջեցնում է խոլեստերինի մակարդակը, իսկ երկրորդը թույլ է տալիս դյուրացնել մարսողությունը և օգտակար է տեսողության համար:
Ռուբինը նաև խորհուրդ է տալիս օգտագործել վարսակի արգանակ նեյրոդերմիտի դեպքում: Կոճապղպեղն իր հերթին առույգացնում է, նոսրացնում արյունը և իջեցնում շաքարի ու խոլեստերինի մակարդակը: Մեղրը, բժշկի պնդմամբ, անփոխարինելի է բրոնխիտի դեպքում, իսկ աղով վաննաները՝ հոդատապի դեպքում:
Ձիթապտղի յուղը օգնում է ամրացնել անոթները, իսկ կտավատի յուղը կանխում է թրոմբների առաջացումը: Գլխացավի դեպքում կարելի է խմել կիտրոնով սուրճ՝ հավելել է բժիշկը: Քրքումը իր հակաբորբոքային ազդեցությամբ օգնում է նվազեցնել օնկոլոգիական հիվանդությունների հավանականությունը: Սոխի ապուրը, նրա խոսքով, օգտակար է ցիստիտի, իսկ խաշած կարտոֆիլը՝ այրոցի դեպքում:
