ՌԴ նախագահ Վլադիմիր Պուտինը Միացյալ Նահանգները «մեծ երկիր» է անվանել, հաղորդում է «Gazeta.ru»-ն:
Ռուսաստանի ղեկավարը նման կարծիք է հայտնել «Ռուսաստանը կանչում է» ներդրումային համաժողովում:
Նա նշել է, որ ռուսական կողմը միշտ հարգել է ԱՄՆ-ին և շարունակում է այդպես վարվել:
«Միացյալ Նահանգները հզոր երկիր է»,- ասել է Պուտինը:
Նա հիշեցրել է, որ երկու երկրները ժամանակին «դաշնակիցներ են եղել երկու համաշխարհային պատերազմներում»:
«Դա մեր ընդհանուր պատմությունն է, ընդ որում՝ պատմությունը դրական է»,- շեշտել է Պուտինը:
Ռուսաստանի ղեկավարը նաև հավելել է, որ Մոսկվան և Վաշինգտոնը շատ ընդհանուր հետաքրքրություններ ունեն:
