«Ժամանակ» թերթը գրում է. «Լոս Անջելեսի մի խումբ հայրենակիցներ, հաջակցություն Արցախի «Միացյալ Հայաստան» կուսակցության նախագահ Վահան Բադասյանի, սկսել են դրամահավաք՝ նրան 2020 թվականի նախագահական ընտրություններում որպես թեկնածու առաջադրելու և այդ ընթացքում անցկացվելիք քարոզարշավի ծախսերը հոգալու համար։ Բադասյանին աջակցում են հիմնականում «Սասնա ծռերի» համակիրները։
Ի դեպ, նմանատիպ նախաձեռնություն կա նաև «Ֆեյսբուք» սոցիալական ցանցում, որի ակտիվ հեղինակ ու տարածողներից է ամերիկահայ բլոգեր Քրիստինե Հալաջյանը: «Հակառակ պարոն Բադասյանի մրցակիցներին, որոնք բոլորն էլ մաս են կազմել իշխող մաֆիոզների բանդային ու թալանել են երկիրը, և հիմա գողոնի մի փոքր մասը տրամադրելով իրենց քարոզարշավին՝ կարող են շատ ազդեցիկ քարոզարշավ իրականացնել։ Սա է հիմնական պատճառը, որից անհրաժեշտություն է առաջանում դիմելու աշխարհասփյուռ հայրենասեր հայերի ֆինանսական և լրատվական աջակցությանը»,- գրել է Հալաջյանը»։
Առավել մանրամասն՝ թերթի այսօրվա համարում:
