Թուրքական Anadolu գործակալությունը հրապարակել է Սիրիայում «Խաղաղության աղբյուր» գործողության վայրի առաջին կադրերը:
Կադրերում հարձակման առաջին թիրախ դարձած Թել-Աբյադ քաղաքի ավիահարվածներից հետո առաջացած ծխի սյուներ են:
Հոկտեմբերի 9-ին Թուրքիան հայտարարեց Սիրիայում «Խաղաղության աղբյուր» ռազմական գործողության մեկնարկի մասին, որի արդյունքում արդեն հարվածներ են հասցվել սիրիական Թել Աբյադ և Ռաս-էլ-Այն երկու քաղաքներին:
Գործողությունը սկսվելուց առաջ Թուրքիայի նախագահ Ռեջեփ Թայիփ Էրդողանը զրուցել է իր ռուս գործընկերոջ՝ Վլադիմիր Պուտինի հետ, որը կոչ է արել ճիշտ գնահատել իրավիճակը և մտածել հնարավոր հետևանքների մասին: ԱՄՆ առաջնորդ Դոնալդ Թրամփը հավանություն չի տվել Անկարայի ռազմական գործողությանը՝ այն «վատ գաղափար» անվանելով:
Tel Abyad'dan dumanlar yükseliyor#BarışPınarıHarekatı başladı https://t.co/lxH5dbSNzV pic.twitter.com/iZQkMcyn2a
— ANADOLU AJANSI (@anadoluajansi) October 9, 2019