«Ժառանգություն» խմբակցությունը, ինչպես տեղեկացրել ենք, քիչ առաջ հայտարարություն է տարածել՝ նշելով, որ այժմ օրախնդիր է դարձել ընդդիմադիր ներխորհրդարանական համագործակցության ձևաչափը վերափոխելու միջկուսակցական միասնական ճակատի:
168.am-ի փոխանցմամբ՝ ԲՀԿ խմբակցության պատգամավոր Ստեփան Մարգարյանն էլ կարծում է, որ «Ժառանգություն» կուսակցության առաջնորդ Րաֆֆի Հովհաննիսյանի և ԲՀԿ նախագահ Գագիկ Ծառուկյանի հանդիպումն արդեն իսկ խոսում է միջկուսակցական ֆորմատի համագործակցության մասին: 168.am-ը Ստեփան Մարգարյանից հետաքրքրվեց՝ արդյոք ԲՀԿ-ն պատրա՞ստ է միջկուսակցական համագործակցության:
Ի պատասխան ԲՀԿ-ական պատգամավորն ասել է, թե իրենք նման ֆորմատով, ըստ էության, աշխատել են, երբ հանդիպումներ են անցկացրել կուսակցությունների ղեկավարների հետ:
Ստեփան Մարգարյանից հետաքրքրվել են՝ արդյոք ԲՀԿ-ն և՞ս ղեկավարների հանդիպումը դիտարկում է այս՝ Սերժ Սարգսյանի հրաժարականը պահանջելու գործընթացը սկսելու տեսանկյունից: «Ցանկացած հանդիպումից առաջ, խորհրդարանական քառյակի հանդիպումից առաջ էլ, մշակվում է օրակարգ, թե ինչի շուրջ է ծավալվելու քննարկումը: Ղեկավարների հանդիպման ժամանակ էլ կմշակվի օրակարգ: Հիմա ես «եթե»-ներով չեմ կարող խոսել»,- պատասխանել է նա:
ԲՀԿ-ական պատգամավորը շեշտել է, որ իրենց օրակարգում Սերժ Սարգսյանի հրաժարականը պահանջելու հարց դրված չէ: «Մենք այսօր մեր օրակարգում նման հարց չունենք»,
Մանրամասները՝ 168.am-ում
