ԱՄՆ արդարադատության նախարարությունը կբացահայտի սեպտեմբերի 11-ին տեղի ունեցած ահաբեկչական հարձակման մեջ կասկածվողի անունը: Այդ մասին հայտնում է Reuters-ը՝ հղում անելով դատական փաստաթղթերին:
Ըստ ՀԴԲ-ի 2012 թ.-ի զեկույցի, տղամարդը սաուդցի երկու պաշտոնյաների հրամայել է օգնել ահաբեկիչներին: Փաստաթղթի ամբողջական տարբերակը գաղտնի է պահվում, բայց հայտնի է, որ խոսքը երկրի երկու պաշտոնյաների՝ Օմար ալ-Բայումիի և Ֆահադ ալ-Թումայրիի, ինչպես նաև երրորդ անձի մասին է, որը ինքնաթիռներ առևանգողներին օգնելու հրաման է տվել:
Նշվում է, որ արդարադատության նախարարությունն այս քայլին դիմել է Սաուդյան Արաբիայի դեմ ահաբեկչական հարձակումների զոհերի հարազատների ներկայացրած հայցի շրջանակներում: Զոհերի ընտանիքները Էլ Ռիադին մեղադրում են ահաբեկիչներին աջակցելու մեջ, բայց կառավարությունը հերքում է դրանց մեջ ներգրավվածությունը: Գլխավոր դատախազ Ուիլյամ Բարը շեշտել է, որ կասկածյալի անունը պետական գաղտնիք է, բայց նա դա կբացահայտի հայցվորների փաստաբաններին:
