Իսլամական հեղափոխության պահապանների կորպուսը ԱՄՆ-ի ռազմածովային ուժերի կողմից Հորմուզի նեղուցում իրանական անօդաչուն խոցելու փաստը հերքող տեսանյութ է հրապարակել: Զինվորականները նշել են, որ դա հաստատում է կադրերի ժամանակը. թռչող սարքը շարունակել է նկարահանումները այն ժամանակ, երբ, իբր, արդեն խոցված էր, հաղորդում է Reuters-ը:
Միևնույն ժամանակ, Մալթայից քաղաքագետ Բաբակ Թագվեյը Twitter-ի իր էջում նշել է, որ չնայած տեսանյութի ժամանակը համընկնում է, սակայն ամսաթիվն ուրիշ է՝ 2018 թ.-ի հուլիսի 19: Այսպիսով, տեսանյութը «ֆեյք լուր է ԻՀՊԿ-ից», նշել է նա:
ԱՄՆ նախագահ Դոնալդ Թրամփը նաև նշել է, որ ամերիկյան կողմը վստահ է, որ անօդաչու է խոցել, հաղորդում է Reuters-ը:
Ավելի վաղ Իրանի արտգործնախարարը հայտարարել էր, որ երկիրը անօդաչուի կորստի մասին տեղեկություն չունի:
Մինչ այդ, Թրամփը Թեհրանի գործողությունները միջազգային ջրերում թշնամական է անվանել և մյուս երկրներին կոչ արել դատապարտել նրանց: Նախագահը նաև ասել է, որ դրոնը մոտեցել է USS Boxer ունիվերսալ դեսանտային նավին մոտավորապես 900 մ հեռավորության վրա, ինչից հետո այն ոչնչացվել է:
