Իտալացի ռեժիսոր Պոալո Սորենտինոն, որն «Օսկար» էր ստացել «Մեծ գեղեցկություն» ֆիլմի համար («լավագույն օտարալեզու ֆիլմ»), դարձել է Հռոմի պատվավոր քաղաքացի: Այս մասին հայտնում է RIA Novosti-ն:
«Մեծ գեղեցկությունն» ամենից լավ է ներկայացնում Հռոմն ու նրա կախարդանքը: Անշուշտ, դա մեր քաղաքի ձգողականության կիոնեմատոգրաֆիական հուշարձանն է»,-հանդիսավոր արարողության ժամանակ հայտարարել է Հռոմի քաղաքապետ Ինյացիո Մարինոն:
«Էնիո Ֆլայանոն (իտալացի գրող, սցենարիստ) մի անգամ ասել է, որ Հռոմում ապրելը սեփական կյանքը կորցնելու միջոցներից մեկն է: Սակայն հաշվի առնելով, որ վաղ թե ուշ դուք միևնույն է՝ կորցնելու եք, կյանքը Հռոմում դա անելու գեղեցիկ միջոցներից մեկն է»,- եզրափակել է Սորենտինոն:
Ֆիլմը 65-ամյա հաջողակ լրագրողի մասին է, որը, հոգնելով աղմկոտ երեկույթներից ու իր հարուստ ընկերների հետ զազրախոսությունից, ապրում է Կոլիզեումի դիմաց գտնվող բնակարաններից մեկում՝ նայելով բարձր հասարակության մարդկանց՝ արտաքինից փայլող, սակայն միանգամայն անիմաստ կյանքին, փորձում իրական գեղեցկություն գտնել:
Ֆիլմի պրեմիերան տեղի է ունեցել 2013-ին՝ Կաննի կինոփառատոնի շրջանակում:
