ԱՄՆ Նյու Ջերսի նահանգում շունը մի քանի օր անց է կացրել հիվանդանոցում մահացած տիրոջ մահճակալի մոտ՝ սպասելով նրա վերադարձին: Այս մասին հաղորդում է The Mirror-ը:
Մուզ անունով լաբրադորը շատ ծանր է տարել տիրոջ մահը։ NorthStar Pet Rescue կամավորական կազմակերպության ներկայացուցիչները ֆեյսբուքյան էջում հուզիչ լուսանկար են հրապարակել՝ Մուզի համար նոր սեփականատեր գտնելու հույսով: «Նա շատ սրամիտ և ուրախ շուն է: Նա պարզապես կարիք ունի այն մարդկանց, որոնք կօգնեն բուժելու իր սիրտը», – գրել են կամավորները:
Հրապարակման համաձայն՝ մի քանի հոգի արդեն հետաքրքրվել են շան ճակատագրով։
