Ազգային ժողովի նախագահ Արարատ Միրզոյանը չի ողջունում Հայաստանում Ռուսաստանի դեսպան Սերգեյ Կոպիրկինի հանդիպումը սահմանադրական կարգի տապալման մեջ մեղադրվող Հայաստանի երկրորդ նախագահ Ռոբերտ Քոչարյանի հետ։
«Որևէ երկրի դեսպան կարող է քաղաքական դաշտի ողջ սպեկտորի ներկայացուցչների հետ հանդիպել, սակայն այն մեղադրանքները, որոնք ներկայացված են Ռ. Քոչարյանին, նրան մաքուր քաղաքական դաշտից դուրս են դնում»,- այսօր լրագրողների հետ ճեպազրույցում ասել է Միրզոյանը։
Այս թեմայի շուրջ «Առաջին լրատվական»-ը զրուցեց ԱԺ «Իմ քայլը» խմբակցության պատգամավոր Անուշ Բեղլոյանի և քաղաքագետ Սուրեն Պետրոսյանի հետ:
Ա. Բեղլոյանն անդրադառնալով դիտարկմանը, որ ՌԴ դեսպանատան տարածած հայտարարության մեջ նշվում է, որ այդ հանդիպումը պետք է դիտարկել հասարակական, քաղաքական գործիչների և գործարարների հետ պարբերական հանդիպումների շրջանակներում, ընդգծեց. «ԱԺ նախագահն այս հանդիպմանը տվել է քաղաքական գնահատական, որը լիարժեք է և մեկնաբանությունների կարիք չունի… Դժվար է պատկերացնել, որ Քոչարյանը հասարակական նշանակության գործիչ է. դեսպանը հավանաբար փորձում էր բիզնես հարաբերություններ քննարկել նրա հետ: Այնպես որ, մնում է այն վարկածը, որ սխալ քաղաքական գնահատական կա ՌԴ դեսպանատանը: Եվ այդ սխալ գնահատականը բերեց տխուր հետևանքի. այդ հանդիպումը բացարձակապես չի նպաստում հայ-ռուսական հարաբերություններին և վստահությանը և դեսպանատան հեղինակությունը»:
Մանրամասն՝ տեսանյութում:
