Չինաստանի նախագահ Սի Ցզինպինը եւ ԱՄՆ-ի նախագահ Դոնալդ Թրամփը, ինչպես սպասվում Է, աշխատանքային ընթրիքի ձեւաչափով կհանդիպեն G20-ի գագաթնաժողովի հարթակներում, որը տեղի կունենա հունիսի 28 – 29-ն Օսակայում: Հունիսի 11-ին այդ մասին հայտնել Է South China Morning Post թերթը, տեղեկացնում Է «Արմենպրես»-ը:
«Դա կլինի, ըստ Էության, անցյալ տարվա դեկտեմբերին Արգենտինայում կայացած գագաթնաժողովի (ձեւաչափի) կրկնությունը»,- հրատարակությանն ասել Է նախապատրաստությունների ընթացքին ծանոթ աղբյուրը: Թրամփը հունիսի 10-ին լրագրողներին հայտնել Է G20-ում Սի Ցզինպինի հետ պլանավորված հանդիպման մասին: Դրա հետ մեկտեղ Միացյալ Նահանգների ղեկավարը CNBC հեռուստաընկերությանը տված հարցազրույցում նախազգուշացրել Է, որ ԱՄՆ-ի իշխանություններն անհապաղ լրացուցիչ մաքսեր կսահմանեն չինական ապրանքների վրա, եթե ՉԺՀ-ի նախագահը չժամանի Օսակա՝ G20-ի գագաթնաժողովին։
