Մեծ Բրիտանիայի ընդդիմադիր լեյբորիստական կուսակցության առաջնորդ Ջերեմի Քորբինը ԱՄՆ նախագահ Դոնալդ Թրամփի Մեծ Բրիտանիայի հաջորդ վարչապետի վերաբերյալ մեկնաբանությունները երկրի գործերին «անթույլատրելի միջամտություն» է անվանել, հաղորդում է Reuters-ը՝ կիրակի, հունիսի 2-ին:
Հունիսի 3-ին, Մեծ Բրիտանիա այցից առաջ տված հարցազրույցում, Թրամփն աջակցել է Բորիս Ջոնսոնին, որը Թերեզայի Մեյի հրաժարականից հետո պահպանողական կուսակցության առաջնորդի և կառավարության ղեկավարի պոստի հիմնական թեկնածուներից է:
«Նախագահ Թրամփի փորձը որոշել, թե ով է լինելու Մեծ Բրիտանիայի հաջորդ վարչապետը, բացարձակապես անընդունելի միջամտություն է մեր երկրի ժողովրդավարությանը»,- ասել է Քորբինը, որը հրաժարվել է մասնակցել Թրամփի այցելության ընթացքում կայանալիք պաշտոնական բանկետին:
«Հաջորդ վարչապետը պետք է ընտրվի ոչ թե Միացյալ Նահանգների նախագահի կողմից, և ոչ պահպանողական կուսակցության 100.000 ոչ ներկայանալի անդամների կողմից, այլ բրիտանացիների կողմից՝ համընդհանուր ընտրություններում»,- հավելել է լեյբորիստների ղեկավարը:
Ավելի վաղ Թրամփը Բրիտանիային խորհուրդ էր տվել Եվրամիությունից դուրս գալ առանց համաձայնության, եթե Բրյուսելի չկատարի Լոնդոնի պայմանները:
